கானா பாடலை கிண்டல் செய்யும் கானா பாட்டு: அதையும் பாடுகிறார் கானா பாலா

No comments
சென்னை மாநகரின் கலாச்சார அடையாளங்களில் ஒன்று கானா பாடல், இசை அமைப்பாளர் தேவா கானா பாடல்களை சினிமாவில் புகுத்தி பிரபலமாக்கினார், அதன் பிறகு கானா உலகநாதன், மரண கானா விஜி, கானா பாலா என பல கானா பாடகர்கள் சினிமாவுக்கு வந்தார்கள். இப்போது கானா பாடல்களில் முதல் இடத்தில் இருப்பது கானா பாலா, அவரது சமீபத்திய பாடல்கள் அனைத்தும் ஹிட்டாகி உள்ளன. 
சிறு சிறு வேடங்களில் நடித்தும் வருகிறார். முதன் முறையாக கானா பாடல்களையே கிண்டல் செய்து ஒரு கானா பாடலை பாடுகிறார் கானா பாலா. கண்ணா லட்டு தின்ன ஆசையா டீம் எடுத்து வரும் வாலிபராஜா படத்தில்தான் இந்த பாடலை பாடுகிறார். "கானா நல்ல கானா அதை கேட்டு நீ போகாதே வீணா..." என்று தொடங்குகிறதாம் அந்த பாடல். வாலிபராஜாவில் சந்தானம், சேது, நுஷ்ரத், நடிக்கிறார்கள். 
சாய் கோகுல்ராம் நாத் இயக்குகிறார். படத்தின் படப்பிடிப்பு பணிகள் முடிந்து விட்டாலும் இப்போது இந்த புதிய கானா பாடலை உருவாக்கி அதை கானா பாலாவை பாடவைத்து படம்பிடிக்க இருக்கிறார்கள். இதற்கு ஐடியா கொடுத்தவர் சந்தானம்.

No comments :

Post a comment