சூப்பர்மேன், பேட்மேன் ஹீரோக்கள் இணையும் படம்

ஹாலிவுட் சூப்பர் ஹீரோக்களான சூப்பர்மேன், பேட்மேன் இணைந்து
நடிக்கவுள்ளனர். இப்படத்தினை ஹாலிவுட்டின் புகழ்பெற்ற ‘வார்னர் பிராஸ் நிறுவனம்’ தயாரிக்க உள்ளது. இந்த இரண்டு ஹீரோக்களை ஒருங்கிணைத்து இயக்கவிருப்பவர் சமீபத்தில் வெளியாகிய ’மேன் ஆஃப் த ஸ்டீல்’ படத்தை இயக்கிய சாக் ஸ்னைடர். இவர் சமீபத்தில் இப்படம் குறித்து டுவீட் செய்து, படத்திற்கான லோகோவையும் வெளியிட்டுள்ளார். 2015ல் வெளியிட திட்டமிட்டு உருவாக்க இருக்கும் இப்படத்தில் தற்போதைய சூப்பர்மேன் வரிசை படங்களில் நடித்து வரும் ஹென்றி காவிலே சூப்பர் மேனாக நடிக்கிறார். ஆனால் ‘பேட்மேன்’ பட வரிசையில் கடைசி பேட்மேனாக நடித்த கிரிஸ்டன் பெயில் இனி தான் பேட்மேனாக நடிக்கப் போவதில்லை என்று அறிவித்திருப்பதால் பேட் மேனாக நடிக்க வேறு ஒருவரை தேடி வருகிறாராம் இயக்குனர் சாக் ஸ்னைடர்.